Man City – Liverpool, mungon mesfushori Philippe Coutinho

23:23 | 8 Shtator 2017
Arbresh Info

Mesfushori Philippe Coutinho është lënë jashtë skuadrës së Liverpoolit për ndeshjen e së shtunës ndaj Manchester Cityt.

25-vjeçari është rikthyer në klub pas dy paraqitjeve për Brazilin në kuadër të kualifikimeve për Kampionatin Botëror “Rusia 2018”, transmeton portali arbresh.info. Ai mungoi për “Redsat” në fillim të këtij edicioni për shkak të një lëndimi në shpinë derisa raportohej për interesimin nga Barcelona.

Mesfushori Philippe Coutinho ka rënë dakord me trajnerin Jurgen Klopp të qëndrojë jashtë fushës në ndeshjen e ardhshme

“Kam vendosur për ta lënë atë jashtë skuadrës ndaj Cityt në mënyrë që ne të shfrytëzojmë kohë ekstra për stërvitje. Ai ka rënë dakord”, ka thënë trajneri i Liverpoolit, Jurgen Klopp.

“Redsat” kanë refuzuar tri oferta nga gjiganti spanjoll për Coutinhon, i cili kishte shtruar kërkesë për transferim por klubi i tij qëndroi i vendosur duke mos lejuar largimin e tij./arbresh.info/